<?xml version="1.0" encoding="UTF-8"?><song><hymn_number>212</hymn_number>
<lyrics>[V1]
 Tań shapaǵyndaı, júzińnen nur tógilip,
 Eń sulý jan tek sensiń búgin álemde.
 Jelegiń tur jelbirep, kelin, mine, keldi dep,
 Janaryń jaınap, qýanyshqa bólengen.

[V2]
 Jıylǵan jurttyń qadaldy-aý saǵan janary,
 Bal-bul júziń kóz jaýyn alyp barady.
 Tal boıynda tógilip turǵan aq kóılegiń,
 Páktigińniń kýási bolyp qalady.

[V3]
 Táńir erkimen ata-ana úıin qaldyrdyń,
 Jan jaryńmen máńgilik birge bolýǵa.
 Kezdeser qýanyshy men qaıǵysyn taǵdyrdyń,
 Asyl jaryńmen birge qarsy alýǵa.

[V4]
 Búgin qalyńdyq, al bolashaqtaǵy anasyń,
 Súıgen jaryńnyń júrek kiltin taba bil.
 Isanyń sózimen urpaqtyń toltyr sanasyn,
 Minájatpen barlyq qamaldy ala bil.

[V5]
 Aq kóılek, aq jelekti, kópten kútken toıyń tez,
 Óte shyqty dep qam kóńildi bolmaǵyn.
 Asyǵa kútken naǵyz qymbat armanyń,
 Qalyńdyq bolyp Isa Másihpen kezdeser kez.</lyrics>
<title>Tań shapaǵyndaı, júzińnen nur tógilip РӘЖ212</title>
</song>